മലയിൻകീഴ് ജംഗ്ഷനിൽ കാൽനടക്കാർ ദുരിതത്തിൽ

തിരുവനന്തപുരം: മലയിൻകീഴ് ജംഗ്ഷനിൽ നടപ്പാത ഇല്ലാത്തത് കാരണം കാൽനടയാത്രക്കാർ കടുത്ത ദുരിതത്തിലാണ്. ജംഗ്ഷനിൽ ദിവസവും നൂറുകണക്കിന് ആളുകളാണ് വന്നുപോകുന്നത്. പക്ഷേ നടക്കാൻ സുരക്ഷിതമായ ഒരു വഴി പോലുമില്ല. റോഡിൻ്റെ ഇരുവശവും കടകൾ കയ്യേറിയിരിക്കുകയാണ്. സ്കൂൾ കുട്ടികൾ, പ്രായമായവർ, സ്ത്രീകൾ എന്നിവർ വാഹനങ്ങൾക്ക് ഇടയിലൂടെ ജീവൻ പണയം വെച്ചാണ് റോഡ് മുറിച്ച് കടക്കുന്നത്. വൈകുന്നേരങ്ങളിൽ ഇവിടെ ഗതാഗതക്കുരുക്കും സാധാരണമാണ്. നടപ്പാത ഒരുക്കണമെന്നും കയ്യേറ്റം ഒഴിപ്പിക്കണമെന്നും നാട്ടുകാർ ആവശ്യപ്പെടുന്നു. അധികൃതർ എത്രയും വേഗം നടപടിയെടുക്കണമെന്നാണ് നാട്ടുകാരുടെ ആവശ്യം.