മലയിൻകീഴ് ജംഗ്ഷനിൽ നടപ്പാത കയ്യേറ്റം: കാൽനടയാത്രക്കാർ ദുരിതത്തിൽ

മലയിൻകീഴ് ജംഗ്ഷനിൽ ഫ്രൂട്ട്സ് കടയുടെ കയ്യേറ്റം കാരണം കാൽനടയാത്രക്കാർ വലയുന്നു. ജംഗ്ഷനിലെ ഒരു ഫ്രൂട്ട്സ് കട നടപ്പാത മുഴുവനായും കയ്യേറി ഫ്രൂട്ട് ക്രേറ്റുകൾ അടുക്കി വെച്ചിരിക്കുകയാണ്. ഇതുമൂലം സ്കൂൾ കുട്ടികൾ, സ്ത്രീകൾ, മുതിർന്നവർ എന്നിവർക്ക് നടക്കാൻ ബുദ്ധിമുട്ട് നേരിടുന്നു. നടപ്പാത ഇല്ലാത്തതിനാൽ ആളുകൾക്ക് തിരക്ക് നിറഞ്ഞ റോഡിലൂടെയാണ് നടക്കേണ്ടി വരുന്നത്. ഇത് വലിയ അപകട സാധ്യതയാണ് ഉണ്ടാക്കുന്നത്. കൂടാതെ സ്ഥലത്ത് ചപ്പും കുപ്പയും അടിഞ്ഞ് കിടക്കുന്നതും കാണാം. ജംഗ്ഷൻ ആയതിനാൽ ഇവിടെ എപ്പോഴും തിരക്കാണ്. ബന്ധപ്പെട്ട അധികൃതർ ഉടൻ നടപടി എടുത്ത് നടപ്പാത ഒഴിപ്പിച്ച് ജനങ്ങൾക്ക് സഞ്ചാര സ്വാതന്ത്ര്യം ഉറപ്പാക്കണമെന്നാണ് നാട്ടുകാരുടെ ആവശ്യം. സ്ഥലം: മലയിൻകീഴ് ജംഗ്ഷൻ തീയതി: 2026 ജൂലൈ 15